MICHAEL DOM
Yu sanap long dua Bilong Anutu na beten Wat po yu less long knok-knok Ating em imas Bikpela man tumas Long yu paitim dua bilong em Na lukim Hamaspela lain Ol tu i wet istap Em ia Marape gavman Na long hapsait Ol pastol bilong sios Mi ting olsem Ol i wanwok bilong Anutu Tasol ol i sem long dua Na ol lain bilasim ol iet Wantaim blek na ret gaun Ol sanap olsem ol diwai pos Long ples giraun Ol i bosim lo na jastis Tasol long hia ol inogat sia Lukim ol save man-meri Ol tu i brukim skru Na het igo daun olgeta Ating Anutu imas ridim Wanwan pepa ol ibin raitim Na bai givim ol mak klostu Ol bik maus lain Em ol prayer warrior I givim wokmak long em Long wanem ol i pikinini tru Bilong Anutu, na ol saints Isave rausim ol spirit nogut Olgeta ol i wet long dua Bai Anutu ikam lukim ol Na givim ol glori long mak Tasol lukim ia Wanpela man bilong tok-singsing Wokabaut ikam long dua Emi knok-knok, rausim su Na ino wet long Anutu bekim Opim dua tasol na igo insait Harim nau Tupela man i toktok igo ikam Tok nogut wantem gutpela toktok Em nau dispela man bilong tok-singsing Ikam autsait na singaut strong igo bek "Ok Anutu, bai mi traim", na em igo pinis
English translation
You stand at the door Belonging to God and pray What for don’t you knock Perhaps it is that He’s too great a being For you to rap on his door And look How many people Are also waiting there There is the Marape government And on the other side Those church pastors I thought that They worked with God But they are shy at the door And those who dress themselves In the black and red gowns They stand there like wooden posts At ground level They are the boss of law and justice But here they have no seats Look at the scholars They bend their knees And their heads are bowed deeply I think God must be reading Each of the papers they wrote And will give their marks soon Those shouting people Those are the prayer warriors Giving him various jobs to do That’s because they are the true children Of God, and the saints Who rebuke the evil spirits They are all waiting at the door So God will come and see them And give them glory for their virtues But look here One of those guys who writes poems Walks right up to the door He knocks, takes off his shoes And without waiting for God’s greeting He opens the door and goes inside Listen now Two men are talking back and forth Saying bad words and having a good talk too And then that guy who writes poems Comes out and calls back loudly “OK God, I’ll try”, and then he goes off
Ples Singsing - A PNG Writer's Blog 